飛滋貼用後感

早排勁熱氣, 噬咗自己兩啖, 最慘噬正下唇位, 放咩入口都經過掂到, 一身毛管棟......

聽講有樣嘢叫飛滋貼, 貼上去之後, 隔住咗咁就食乜都無事.

屈臣氏無得賣架, 卓悅先有

拆開之後係一粒粒紅色貼紙. 紅色呢面朝向下, 貼住飛滋.

貼住嘅感覺有少少嗱, 少少痛, 但並非貼住就可以放鬆自如咁食嘢. 因為只有傷口患處先會黐實, 條邊係飛飛吓.

貼咗約半個鐘就搣走, 貼紙有D擬似膿嘅東西, 混和貼紙本身嘅紅色......總之就核突啦. 只係用咗一晚, 第二日都仲有少少痛, 不過無用飛滋貼. 再過多日就唔再痛同埋明顯收細.

衰在一盒要$68, 得10張貼紙, 要慳住用.....